10:00 am, 06 25 2006

Hahayaan kong yakapin pa ako ng mga unan

ibibigay ko ang katawan ko sa kumot

para puluputan nito.

Isusuko ko ang sarili ko sa tawag ng kamang

magdamag kong kaulayaw

nang ang ula’y sumisibol pa lamang

sa mga ulap.

Imumulat ko ang aking mga mata

at gagawin silang mga musmos

na naglalaro sa kawalan

kasama ng diwang kagigising lamang.

Ipipikit ko ang aking mga mata

upang ituloy ang panaginip na naudlot:

hahayaan ko itong humayo pa

kasama ka.

Yayakapin ko

hindi ang unan ko

mamumulupot ako

hindi sa kumot ko.

Kundi sa iyo

na inuukit ko

mula sa hangin at alaala

dito sa iwahig

ng aking kama.

habang sa labas ay umuulan.

This entry was posted on Tuesday, July 4th, 2006 at 10:27 pm and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.